EDITORIAL : Sistema Barlaki iha TL

Maun alin inan feton Timor Loro sa’e, rai ulun rai ikun, tasi feto to’o ba tasi mane, loron foun sa’e ona leno rai Timor, Timor oan hotu presija hamutuk fo liman ba malu sai ema ida deit hodi foti no tane kultura rai Timor sai mos hanesan riku soin iha parte identidade bo’ot ba iha rai doben ida ne’e.
Ba edisaun premeiro husi A voz de cultura equipa husi jornal ida ne’e hakarak koko atu hakerek lia fuan ruma kona ba barlaky ninian tamba ita hotu hatene katak iha ita nia rain systema ida ne’e sei buras liu-liu iha distritu 12 (capital Dili la kentara) tamba ne’e iha uju no custumi ita nia, hori uluk hori wain desde beiala sira nia tempu ate agora sei kontinua nafatin.
Wainhira iha lia moris hanesan ita bolu hatun folin hanesan iha oan mane hola(laos sosa) oan feto ruma sempre akontese tuir uma lisan idak-idak nian iha teritorio rai doben ida ne’e nia laran. laos dehan sistema hatun folin ba oan feto atu sosa kotu oan feto, maybe ne’e hanesan aitukan ho bemanas atu oferese nudar kolen husi inan aman nian liu-liu ba knua ida nebe refere. talves iha interpretasaun oioin husi ema idak-idak nia hanoin kona ba sistema ida ne’e, ba leitores sira hau konvida ita atu akompanha sistema ida ne’e iha distritu idak-idak.
Hanesan iha Bau-cau wainhira hatun folin ho animal no buat oi-oin maka hanesan karau, kuda no surik. kona ba karau no kuda konforme lia nain sira maka deside tuir nia volume no depende mos ba kultura nebe knua idak-idak implementa talves husi 6 to’o 12, ba surik defisil oituan ba ita nebe moris iha tempu modernu susar atu komprende laos buat nebe fasil.
Dala barak ita akompanha serimonia ida ne’e lia nain sira hare husi nia kualidade iha parte balun dehan hakarak surik Makasar, balun hakarak surik fatuk no konforme mos husi nia urat la hare ba nia modelu.
Ita loke to’ok agenda husi parte rai klaran nian hanesan Ainaro iha neba iha sistema rua atu halo barlaky maka hanesan wainhira oan feto no oan mane nebe maka hola malu tuir dalan hanesan tuananga bele iha redusaun ba folin hirak ne’e tamba iha relasaun familia hare husi parte feton ho na’an nian maybe ba ema nebe foin kuinhese iha mos sistema barlaky nebe adopta emgeral iha Ainaro maka hanesan karau, kuda, bibi no tua ne’e hanesan ita heteten iha leten katak ne’e hanesan bemanas no aitukan, ne’e maka kultura nebe implementa iha distritu Ainaro.
Hakat ba lospalos iha mos sistema nebe atu hanesan mos distritu Baucau nian hanesan karau, kuda morten no surik, antes atu deside katak karau hira no kuda hira hahu uluk ho kari batar musan husi parte familia mane nian atu hili batar musan hirak ne’e maybe tuir nia criteria iha mos suco balun que hanesan jerasaun liurai nia beioan wainhira ema ruma tuir oan feto atu hatun folin kona ba karau bele to’o 77 iha lospalos parte balun seikaer sistema ida hanesen ne;e maybe laos maioria
Maibe iha distritu oecuse diferente oituan ho nia belun distritu seluk laos dehan katak nia do’ok husi nia maun alin sira seluk nebe nia hakarak atu ketketak ho ninian maybe ne’e identidade rai ne’e nian duni.
Belun sira husi rai Belun Oecuse sempre hala’o sistema barlaky ida ne’e ho mexicana, belak no tais, hodi hatun folin ba oan feto. mexicana ne’e tuir hotu nia hanoin no hare katak ida ne’e osan husi nasaun Mexico nian. Karik ba jerasaun foun nebe moris tempu modernu ida ne’e ba ita sente komiku oituan tamba sa iha sistema ida hanesan ne’e?
Ne’e duvidas nebe bo’ot ba ita no hammosu perguntas hanesan iha leten.susar oituan atu foti desijaun no solusaun ba ida ne’e atu resolve. Parese ida hanesan valor no iha intersante ba ita nia beiala sira hodi nune’e Oecuse bele implementa sistema ida ne’e iha neba.
Ho tempu ida hanesan ne’e maka jornal A voz de cultura hakarak luta hodi hatene lolos tamba sa maka mosu buat ida nebe to’o agora ita jerasaun foun ida ne’e lahatene ninia signifika katak belak, morten, kaibauk, tais, surik no mexicana ne’e mai husi nebe no nia funsaun saida hodi haklaken ba mundo tomak katak ne’e maka ita nia kultura. Halo mudansa laos dehan atu hamate no halakon maybe presija atu hadia ho realidade nebe ita hare agora dadaun ne’e komesa atu lakon ona tamba laiha ema ida maka iha inisiativu atu haburas identidade Timor nian
Sekarik maka governu iha interese karik pelumenus halo kompetisaun ruma ba foin sae sira kona ba kultura Timor nian ba oan feto sira hanorin kona ba oinsa atu soru tais, homan biti no koko atu lao tuir hultura nebe beiala sira rai hela mai ita kona ba oan mane sira presiju mos aprende kona ba morten no belak hodi halo kompetisaun entre Distritu sira liu-liu ba foin sae sira. Sekarik maka ministerio trata kona ba ida ne’e ba jerasaun tuir mai sei hatene liu kona ba ita nia kultura no tradisaun. Ita foti ezemplu hanesan nasaun Thailandia ho Cina sira nia kultura avansa liu no ema barak maka hakarak atu asiste wainhira iha serimonia ritual nebe sira selebra, oinsa ita nia governu hare’e kona ba ida ne’e labele interese liu ba politika maybe presiju mos dezewnvolve kultura obrigado wa’in. Marciano Luz

Impaktu Modernizasaun ba Cultura Timor-Leste

A voz de cultura, hakarak lembra hikas aktividade cultura Timor Leste nian, liliu iha era modernizasaun ke juventude ka foin sae feto ho mane falta oituan deit fasil ona hakat ba hamutuk ho Cultura rai seluk nian.
Maske nune’e, sei iha jovens wain mos mak sei ejize maka’as atu mantein nafatin sistema cultura Timor nian, hanesan kazamentu, lian, dansa ou bidu no seluk tan atu hatudu no fo valor ba identidade rai ne’e nian.
Hare ba modernizasaun, Timor oan tomak, liliu joven sira mak kontinua eskola senti katak, era modernizasaun iha impaktu pozetivu no iha mos impaktu negativu ba Cultura Timor Leste nian.
Impaktu pozetivu, pur ezemplu ema Timor, liliu joventude sira hanoin katak, Cultura rai seluk nian bele fo valor iha aspektu oi-oin ba sira, wainhira identifika katak, Timor Leste hanesan mos nasaun ida ke presija inklui mos iha aktividade modernu.
Hanesan, dansa modernu, hatais modernu, koalia lian rai seluk nian no seluk tan, atu nune’e bele muda mentalidade ema ida-idak, liliu foin sae sira husi era klasiku, e ho intensaun dezenvolve nafatin Cultura Timor nian iha parte ne’ebe ke bele dezenvolve.
Maibe,kona ba modernizasaun hirak ne’e kuaze Timor Oan barak ke lakohi involve an iha era modernu, tamba involvimentu foin sae iha aktvidade hirak ne’e, fasil atu muda ema ida-idak nia mentalidade no sei lalao tuir Cultura Timor nian.
Ho hahalok no diferensias hirak ne’e, maka halo A voz de Cultura ho intensaun ida ke akomulativu atu fo hatene no fo hanoin ba ema Timor tomak, liliu foin sae sira atu akompania nafatin era modernizasaun mak influensia Cultura Timor, maibe tenki fo nafatin koragen atu dezenvolve nafatin Cultura Timor nian ke fo valor dignidade, vantagen no haburas nafatin identidade Timor nian iha mundu.
Maske nune’e, iha konstituisaun RDTL, artigu 59 alinia 5 hateten katak, ema hotu iha direitu atu goza no hari’i Cultura hanesan nia obrigasaun haburas, defende no fo valor ba patrimonia cultura ho sistema ida ne’e, A voz de Cultura bolu ita tomak atu tau preokupasaun, opiniaun ba prosesu ke presiza jerasaun foun bele hatene no kuinese sira nia identidade rasik,

Hakerek Nain : Saturnino/N (Grupu A V C)

Impaktu Modernizasaun ba Cultura Timor-Leste

A voz de cultura, hakarak lembra hikas aktividade cultura Timor Leste nian, liliu iha era modernizasaun ke juventude ka foin sae feto ho mane falta oituan deit fasil ona hakat ba hamutuk ho Cultura rai seluk nian.
Maske nune’e, sei iha jovens wain mos mak sei ejize maka’as atu mantein nafatin sistema cultura Timor nian, hanesan kazamentu, lian, dansa ou bidu no seluk tan atu hatudu no fo valor ba identidade rai ne’e nian.
Hare ba modernizasaun, Timor oan tomak, liliu joven sira mak kontinua eskola senti katak, era modernizasaun iha impaktu pozetivu no iha mos impaktu negativu ba Cultura Timor Leste nian.
Impaktu pozetivu, pur ezemplu ema Timor, liliu joventude sira hanoin katak, Cultura rai seluk nian bele fo valor iha aspektu oi-oin ba sira, wainhira identifika katak, Timor Leste hanesan mos nasaun ida ke presija inklui mos iha aktividade modernu.
Hanesan, dansa modernu, hatais modernu, koalia lian rai seluk nian no seluk tan, atu nune’e bele muda mentalidade ema ida-idak, liliu foin sae sira husi era klasiku, e ho intensaun dezenvolve nafatin Cultura Timor nian iha parte ne’ebe ke bele dezenvolve.
Maibe,kona ba modernizasaun hirak ne’e kuaze Timor Oan barak ke lakohi involve an iha era modernu, tamba involvimentu foin sae iha aktvidade hirak ne’e, fasil atu muda ema ida-idak nia mentalidade no sei lalao tuir Cultura Timor nian.
Ho hahalok no diferensias hirak ne’e, maka halo A voz de Cultura ho intensaun ida ke akomulativu atu fo hatene no fo hanoin ba ema Timor tomak, liliu foin sae sira atu akompania nafatin era modernizasaun mak influensia Cultura Timor, maibe tenki fo nafatin koragen atu dezenvolve nafatin Cultura Timor nian ke fo valor dignidade, vantagen no haburas nafatin identidade Timor nian iha mundu.
Maske nune’e, iha konstituisaun RDTL, artigu 59 alinia 5 hateten katak, ema hotu iha direitu atu goza no hari’i Cultura hanesan nia obrigasaun haburas, defende no fo valor ba patrimonia cultura ho sistema ida ne’e, A voz de Cultura bolu ita tomak atu tau preokupasaun, opiniaun ba prosesu ke presiza jerasaun foun bele hatene no kuinese sira nia identidade rasik,

Hakerek Nain : Saturnino/N (Grupu A V C)

Cultura Nu’udar Identidade ba Nasaun Fo Kbi’it ba Credibilidade no Dignidade

Moris Iha familia ida sempre fó identidade personel bá membro familia ida-idak, hanesan naran, data moris, fó naran tuir avó sira ne’ebé mate tiha ona, tuir avó parte aman nian ká liña aman nian, ema hanaran “ patrilineal” no tuir liña parte inan nian ema hanaran “matrilineal”. Maibe identidade no fó naran bá membro familia hirak ne’e lá hanesan, maske iha familia ida, ema nain ida ká rua maka iha oan balu naran hanesan, tanba iha rasaun ho tradisaun uma lulik nian hanesan fó mehi mai liu husi inan ká aman, tenke fó naran hanesan ne’e.
Nu’udar ema moris iha nasaun ida sempre iha identidade mesak, maka hanesan kultura, kustuma, behaviorismo ká hahalok ema nian rasik, grupo etnico rasik lingua rasik, kustoma traditional rasik hanesan harohan ká hamulak, adora, tuir metodo uniko rasik. Tanbá buat hirak ne’e mai husi ita nia beiala sira rasik. Hodi nune’e ita gerasaun husi rai ida ne’e hodi hala’o tuir hahalok ne’ebé sira hela mai ita hotu iha rai ida ne’e.
Tuir ita hotu nia observasaun loron-loron, ema Timor oan rasik lá respeito ká viola sira nia kultura rasik, liu-liu joven feto sira, hahalok hanesan tau ropa bá escola lá tuir regras ne’ebé deretor escola nian tau bá estudantes hotu-hotu, hodi ida ne’e hamosu violensia oin-oin mosu bá feto sira.
Tau ropa bá iha publiko, lá tuir kustuma Timor nian rasik, hanesan feto barak uza singlet hanesan mane sira uza.
Feto sira dala barak uza deit bikini, hodi pasiar bá nebe deit tuir sira nia hakarak.
Tuir buat ne’ebé ita nia avó sira hela mai ita, liu-liu kustuma hatais ropa, feto tenke hatais ropa taka sira nia isin lolon tomak, susun lá bele sai, kelen lá bele sai, maibe agora ne’e, feto Timor oan rasik lá tuir regras tradisaun Timor nian, tanba ema Internasional barak maka aplika mai ita hodi nune’e, ita rasik soe kultura ida ne’e atu haluha deit ona, depois tau fali ema nian maka iha ita nia oin, ida ne’e maka diak liu karik? Iha loron ida, iha tinan 2003, iha tuku 3 lorokraik, iha ita nia feton joven balun hatais ropa ne’ebé lá tuir kultura Timor nian, hatais kalsa badak, depois hatais deit bikini tama iha Mercado lama, iha tia no tiu sira fa’an sasan iha ne’ebá duni sira tama to’o iha kantor telkom, depois UNPOL sira maka salva sira, se lae sira hetan tortura husi ita nia tiu no tia sira.
Se ita rasik viola ita nia kultura no kustuma rasik, sé maka atu respeita bá ita nia kultura rasik? No sé lós maka atu desemvolve kultura ida ne’e atu bele hadia bá oin? Ita mesak tenke hadia ita rasik ninia oin, identidade, kultura no kredibilidade no dignidade rai ida ne’e nian. La’os ema nasun seluk maka atu hadia ita nia kultura no kustuma. La’os ema rai seluk maka atu desemvolve ita nia kultura rasik hanesan fó ita ukun rasik’an.
Ida ne’e imposibel mai ita hotu, tanba ita hakarak foti deit maka ema nian, ita nian ita haluha tiha. Hanesan, parte dansa, dala barak ita usa dansa ema strangeiros nian hanesan ‘bailharoda’, no dansa hakuak malu, ida ne’e ita bele tau, maibe ita tau barak liu maka ida ne’ebé ita nian rasik.
Ida ne’e iha relasaun kona-ba, cultura, cultura tuir enciclopedia,etimologia husi lian Latin, husi liafuan, cultus, cultura, pasivo perfeito kultiva, adora, iha relasaun ho liafuan colonus no colonia. Kultura katak: 1. Arte, kustuma, habituasaun ne’ebé karakteriza bá partikular sociedade ida iha nasaun ida nia laran. 2. Fiar, valor, hahalok, material ká sasan hanesan dalan moris ema nian. 3. (Prosesu microbiologia kona-ba bakteria ruma ká entidade biologica seluk iha arteficial medium ruma).
Koñesemento ruma pasa husi gerasaun ida bá gerasaun seluk, laiha necesario ho respeito bá moris umana nian. 5. Subtantivo kolectiva ká grupo ruma hanesan husi grupo bacteria nian, tuir dicionary The American Heritage hateten katak, “ hahalok particular civilizasaun husi nasaun ida ne’ebé ke lolos” hanesan periodo kultura ema Yunani sira nian. Desemvolve no hadia kona-ba hanoin edukasaun no treinamento nian.
Kultura tuir teoria, hanesan parte ida ká sanak ida husi Antropologia no seluk tan ne’ebé iha relasaun ho Sociologia, kultura tuir hala’o operasaun no termos sientifica. Iha sekúlo 19 nia laran, kultura ema utiliza bá aktividade umana nian no lia fuan seluk hanesan sinonimo civilizasaun (peradaban). Iha sekúlo 20 nia laran, ema hakerek antropologia nain sira komesa halo teoria kona-ba ‘kultura’ hanesan objeto ida atu uza ká analiza bá sientifica nian. Balu uza bá strategia adaptivo ne’ebé lahanesan husi ema ida bá ema seluk.
Tuir pontu debista ida ne’e, kultura sai hanesan parte integral ida husi existensia umana nian, ida ne’e maka umana nian, ida ne’e maka ambiente umano no dala barak kultura bele iha mudansa bele sai hanesan atribuisaun bá ema nian tuir eventos kona-ba istoria ninian.

Hakerek nain : J.D Silva

Uluk Maubisse La Susar Ai-han

MAUBISSE,(AVC): Hori tempu uluk, Timor maioaria la susar ai-han, tamba beila sira nia fiar ba kultura tradisaun adat, rai, fatuk no ai sira bo’ot tebes, maybe ohin loron rai modernu saida mak akontese, Timor oan sira dala ruma sempre hasoru problema hamlaha.
Tuir aiknanoik, bainhira ita atu halao aktividades servisu oan ruma, uluk nanain sei husu harohan uluk ba inan ou aman (aman mak ida ne’ebe iha lalehan loron ho kalan leno no fihir hodi fo hela nia mahon mai, inan mak ida ne’ebe loron ho kalan tane no kuikadu), maybe ohin loron, buat dehan rai sarani, eventu no ritual hirak ne’e sai haluhan mos lakon.
Tuir Lia Nain, Jose Barreto, husi uma fukun Kuklik Tau id ou uma fukun Liurai ne’ebe reprezenta mos hanesan uma fukun bo’ot iha Suku Edi, Sub-Distritu Maubisse, haktuir iha tempu uluk, bainhira hanoin atu lere tos ba dala uluk ita tenkiser sukat uluk lai, kuandu bainhira ita la sukat, entaun ai-han ne’ebe ita kuda hanesan batar dala ruma ita soe estraga deit, tamba ema ida halao tos nia metro 40 deit mos han ba la hotu, ne’e bele han fali to’o batar foun kustume bolu dehan batar sa’e tiha ona uma mos ida ne’ebe halo uluk sei iha nafatin.
Maibe ohin loron ita bele kaer tos bo’ot, hectares mesak rua ou tolu maybe ita la halo, tamba ita haluhan tiha kultura ne’ebe mak beila sira husik hela mai ita nudar riku soin ne’ebe mak ita la bele soe deit nune’e.
Uluk tempu beila sira, iha Suku Edi partensia uma fukun Kuklik, kuandu bainhira udan monu rai, beila sira sei lori bua, malus, tais, lohu, kalbaka, animal hanesan manu ou fahi hodi ba hasa’e ba iha foho ida naran Bi Edi, foho ne’e hanesan tinan-tinan, beila sira ba simu batar, antes atu simu uluk nanain sira tenki ser hamulak uluk, depois nune’e sira foti tais nahe iha ai ida ne’ebe sira hanaran Amar nia hun, sira lori animal ne’ebe prepara tiha ona hisik nia ran hadulas, dehan la kleur deit nune’e, ema nia liman tuka deit iha sikun lolo sai mai uja relojiu mean komesa hatun batar, fore no inklui mos fini sira seluk, bainhira hare ba fini barak ona, beila sira sei bolu, inan ou aman naton ona ba ne’e, nune’e foin hapara.
“Maibe ohin loron ami triste tebes, ami bele halo tos bo’ot, rai mesak luan, ai-han ba ami nunka mais atu bele sufsiente hodi responde ami nia moris lor-loron, maibe agora ami komesa koko fali ona. Tuir Lia nain Barreto, ita iha tempu uluk be’e mos iha nia tinan ou loron bo’ot, ai mos hanesan, ne’e mai ami bolu naran ai hulu maun biuka,”. (Grupu AVC)

Religiaun-Kultura Lao Hamutuk Unidade Sei Metin

MAUBISSE-AVC-Bispo Dioseze Baucau, Dom. Basilio Do Nasimento, hateten akomulasaun ba tradisaun kultura ho religiaun lao hamutuk, signifika katak unidade sarani sira nia sei metin liu tan bainhira parte rua ne’e lao hamutuk.
Lia hirak ne’e hato’o husi Dom Nasimento, ba sarani Maubisse, bainhira inagura uma lisan Laku ne’ebe reprezenta uma lulik Maubisse tomak, Kinta (04/04). Inagurasaun ba uma Laku hodi loke selebrasaun festa cruz jovem antes atu entrega ba sarani parokia Venilale.
Tuir observasaun, A Voz De Cultura, sarani ne’ebe partisipa iha festa selebrasaun ne’e kuaze besik rehun rua resin, sarani sira ho antusiasmu ho laran ksolok hodi simu Dom. Nasimento ho bainaka ne’ebe ba husi fatin dok, espesialmente sarani parokia Venilale.
Antes de uma Laku inagura husi Bispo, ba dala uluk lia nain sira sei simu ho srigala ou lian dadoli, “Aman Nai Bispo ohin loron ida ne’e ita bo’ot hi’it an to’o mai iha ami nia le’et, ami nahe biti, nahe bora simu ho kontenti no simu ho haksolok, iha Maubisse Mauloko sidau lakoda, liman ida la tohar, ain ida la naksalak, leno dalan mai ba fo naroman mai ami, ami sarani Maubisse tuku tur harohan hein ita nia bensaun,” ne’e mak lia dadoli badak ne’ebe hato’o husi lia nain sira ba Dom. Nasimento ho bainaka sira,”.
“Ohin ita hare ho matan husi nakukun ba naroman ne’e ita lao husi ne’ebe oinsa mak naroman ba iha nakukun no oinsa maka naroman ba hasoru nakukun, hodi fo sentidu ba ita hotu, parabens ba imi buka nafatin atu haklean ita nia kultura, kultura Timor li-liu kultura mambae ida ne’e hodi ba oin. Liu husi kultura ita hametin diak liu tan ita nia fiar iha Maromak ida ne’ebe hatudu nia an ba ita husi nia oan Jesus kristu, “tenik Nai Bispo Nasimento.